Monitor/a de Tempo Libre

Slide

Cursos de Tempo Libre e outras Formacións

Monitor/a de Tempo Libre

O lecer e o tempo libre representan a contorna perfecta para a educación en valores, a convivencia, e o crecemento persoal e colectivo.

Son un espazo marabilloso para construír un mundo mellor. Por iso, nos cursos de monitorado de tempo libre que organizamos, ademais do Certificado de Manipulador/a de Alimentos, poñemos o foco nos coidados, na comunicación consciente, na inclusión, na educación emocional e na igualdade.

Aventeira Escola imparte cursos de Monitor/a de Actividades de Tempo Libre, titulación homologada pola Dirección Xeral de Xuventude da Xunta de Galicia.

Datas

Actualmente, non hai datas confirmadas para unha nova edición do curso.

Horario

A información sobre horarios actualizarase cando se abra unha nova edición do curso.

Duración

Actualizaremos esta información cando haxa novas datas.

Lugar

O espazo principal de realización do curso será a nosa aula, sita no C.C. O Ventorrillo, Planta 1, Local 3, na cidade da Coruña.

As liñas 7, 12A e 14 do bus urbano da cidade paran moi preto! Aínda que hai bastantes zonas para aparcar, recomendamos compartir coche ou usar transporte público.

Contidos

Animación: educación a través do xogo, expresión artística, dinamización de veladas, animación deportiva.
Psicosocioloxía: facilitación de grupos, transformación de conflitos, educación en valores, programación e metodoloxía.
Educación transformadora: xénero e igualdade, educación emocional e coidados, comunicación non violenta, galego e linguas.
Educación ambiental e campismo: aprendizaxe-servizo no medio ambiente, interpretación medioambiental, técnicas de campismo, orientación.
Educación para a saúde: prevención de drogodependencias, primeiros auxilios, certificado de manipulador/a de alimentos, sexualidade, prevención de riscos laborais.
Organización e recursos: entidades no tempo libre, recursos e axudas, información xuvenil, espazos de participación no tempo libre, orientación laboral.

Requisitos

Estar graduada/o en Educación Secundaria ou equivalente, ou ser técnico auxiliar en formación profesional ou equivalente, así como ter 18 anos cumpridos no momento de inicio da formación.

Prezo e prazos de inscrición

O prazo de inscrición está actualmente pechado e o prezo da próxima edición está pendente de confirmación.

Sistema de bolsas

Existe a posibilidade de recibir unha bolsa que cubra o custe parcial do curso. A apertura do sistema de bolsas está supeditada ao número de prazas cubertas e o seu número é limitado. Ademais, o seu desfrute está vinculado á realización dun voluntariado nun número de horas equivalente ao subvencionado, nunha entidade da túa elección.

Se tes unha situación económica complicada e tes interese nesta cuestión, coméntao no formulario de inscrición. Se conseguimos un número de participantes suficiente para financiar as bolsas, porémonos en contacto contigo.