Datas

Parte presencial: sábados e domindos do 13 de marzo ao 9 de maio. 180 horas

Parte online: do 10 ao 16 de maio. 20 horas

Horario

Parte presencial: de 9:00-14:00 e de 16:00-21:00.

Parte online: horario flexible, auto-organización por parte do alumno ou alumna.

Lugar

Escola de baile Don’t Stop. Rúa Ensino, 4 Galerías C.C. Couto loc 113-114, 32002 Ourense (agás algunhas actividades que terán lugar no exterior, na zona de Ourense e nos seus arredores, e unha actividade de campismo).

Duración

200 horas da fase teórico-práctica (180 horas presenciais e 20 online) e 150 horas da fase de prácticas. Precísase unha asistencia ao 80% do total das horas teórico-prácticas para superar o curso, así como superar a parte práctica.

Contidos

• Animación: educación a través do xogo, expresión artística, dinamización de veladas, animación deportiva.
• Psicosocioloxía: facilitación de grupos, transformación de conflitos, educación en valores, programación e metodoloxía.
• Educación transformadora: xénero e igualdade, educación emocional e coidados, comunicación non violenta, galego e linguas.
• Educación ambiental e campismo: aprendizaxe-servizo no medio ambiente, interpretación medioambiental, técnicas de campismo, orientación.
• Educación para a saúde: prevención de drogodependencias, primeiros auxilios, certificado de manipulador/a de alimentos, sexualidade, prevención de riscos laborais.
• Organización e recursos: entidades no tempo libre, recursos e axudas, información xuvenil, espazos de participación no tempo libre, orientación laboral.

Requisitos

Estar graduado en Educación Secundaria ou equivalente ou ser técnico auxiliar en formación profesional ou equivalente e ter 18 anos.

Prezo

260 euros ata o 5 de marzo e 280 ata o 10 de marzo.

Data límite de inscrición

10 de marzo

Sistema de bolsas

Existe a posibilidade de recibir unha bolsa que cubra o custe parcial do curso. A apertura do sistema de bolsas está supeditada ao número de prazas cubertas e o seu número é limitado. Ademais, o seu desfrute está vinculado á realización dun voluntariado nun número de horas equivalente ao subvencionado. Se precisas solicitar unha bolsa, escríbenos para recibir toda a información! 

Instrucións de matrícula

• Cobre o formulario.
• Ingresa 260 euros (ou 280 se é despois do 5 de marzo) en concepto de pago do curso na conta de Triodos ES61 1491 0001 2630 0011 1277. Concepto: “MATL+Nome e apelidos”. Esta cantidade non é reembolsable no caso de que te deas de baixa durante o proceso (é a cantidade que asegura a viabilidade da celebración do curso!). Si se reembolsará na súa totalidade no caso de que a Escola non puidese realizar o curso porque non se cubriran as prazas mínimas.
• Envía o resgardo do ingreso ou da transferencia na conta ao correo escola@aventeira.com.

Confirmación da inscrición

Poñerémonos en contacto contigo a través de correo electrónico dúas veces. Unha primeira para confirmar a recepción da inscrición e do pago e pedirche algunha documentación, e unha segunda para confirmar a celebración do curso e darche algunha información práctica.

Adaptación á situación actual

Imos seguir as normas de prevención e seguridade por mor do Covid con moito coidado. Enviarémosche  unha guía xunto coa información práctica cando confirmemos a realización do curso, pero podemos adiantar que teremos que manter a distancia social, empregar máscaras, ter coidado de non compartir material… E máis cousiñas. Pero imos esforzarnos ao máximo por seguir facendo unha formación de calidade. 

Máis información 

Nos teléfonos 722 349 497 e 722 349 489 e no correo electrónico: escola@aventeira.com.

Agardámoste!