Slide
Enlaces de
interese

Convenio Colectivo

Xa está publicado no BOE o novo convenio de Ocio Educativo e Animación Sociocultural, deste ano 2021.

O convenio colectivo regula o traballo das persoas profesionais do tempo libre: dires, coordis, monis, socos e incluso enfes que traballan nunha actividade de tempo libre teñen o seu salario e condicións establecidas neste convenio, que aplica a todo o Estado.

Lei de Xuventude de Galicia

Aprobada aló polo ano 2012, supón a fiestra normativa dende a que mirar aos programas que se realizan en Galicia para a poboación que conta con entre 14 e 30 anos. 

Esta lei existe porque se entende que a xuventude supón un colectivo específico que require de marcos de participación política, proxectos e actividades de seu.

Decreto 50/2000

Normativa vixente en materia de xuventude. Inclúe normativas referentes ás instalacións xuvenís, actividades xuvenís de ao aire libre, programas de formación das escolas de tempo libre, etc.

A súa lonxevidade comeza a deixar realidades do sector atrás, mais non se aprobou aínda unha norma que o derogue.

Decreto 58/2012

Se o Decreto 50/2000 é a norma sagrada do tempo libre, o 58/2012 non o é menos. A normativa europea trouxo novidades que implicaron adaptar os marcos xurídicos propios.

Este decreto actualiza o anterior, simplificando os trámites e a burocracia necesaria para levar a cabo actividades de tempo libre.

Páxina web de Xuventude

A Dirección Xeral de Xuventude, Participación e Voluntariado é o departamento da Xunta de Galicia cuxa prioridade é atender ás necesidades e inquedanzas da poboación nova residente en Galicia.

Na súa web ofrécese información de todos os programas e servizos que ofertan: cursos, axudas, normas, emprego e un longo etcétera.

Páxina Injuve

O Instituto de la Juventud é un organismo público estatal cuxa actividade principal diríxese a promover actuacións en beneficio das persoas mozas.

Na súa páxina hai concursos, axudas, oportunidades e outras cuestións de actualidade que poden ser de interese.

Espazo Coop

Rede sen ánimo de lucro que ten como parte dos seus obxetivos  a divulgación, fomento e consolidación do cooperativismo, como ferramenta de desenvolvemento socioeconómico, no marco da economía social e solidaria.

Dende a nosa formación, Aventeira forma parte de Espazo Coop.

Coop 57

Cooperativa de servizos financieiros éticos e solidarios que ten como obxetivo principal contribuir a transformación social da nosa economía e da nosa sociedade. A súa organización é democrática e asamblearia.

Aventeira forma parte de Coop 57 dende o ano 2020.