Aventeira Escola busca formar a profesionais do tempo libre para que desenvolvan a súa actividade cunha perspectiva educativa transformadora e con ilusión e paixón polo que fan.
Por iso, dende a Escola facemos especial fincapé en tratar contidos que supoñen unha pequena revolución no día a día das persoas que participan nas actividades de tempo libre e nos potenciais profesionais que as coordinan e desenvolven.
Nos cursos de Monitorado de Actividades de Tempo Libre, ademais dos contidos oficiais e do certificado de manipulador/a de alimentos, tratamos cuestións como:
- Comunicación non violenta
- Xénero e igualdade
- Espazos de participación e asemblearismo
- Educación emocional e coidados
E todo isto empregando técnicas participativas propias da educación non formal e da facilitación de grupos.
Para contactar directamente con Aventeira Escola escribe a [email protected].
