Datas

Do 30 de setembro ao 3 de decembro

• Parte presencial (160 horas): 
• • Setembro: 30
  • Outubro: 1, 7, 8, 14, 15, 21, 22, 28, 29
  • Novembro: 4, 5, 25, 26
  • Decembro: 2, 3
• Parte online (40 horas): Do 2 de outubro ao 22 de novembro.

Horario

Parte presencial: de 9:00-14:00 e de 16:00-21:00.
Parte online: Horario flexible a través dun método asíncrono para a auto-organización por parte do alumno ou alumna. Video-titorías de asistencia optativa, que quedarán gravadas para consulta posterior. Prazos parciais de entrega de traballos para seguemento.

Lugar

O espazo principal de realización do curso será a nosa aula, sita no CC O Ventorrillo, planta 1, local 3, na cidade da Coruña.

As liñas 7, 12A e 14 do bus urbano da cidade paran moi preto! Aínda que hai bastantes zonas para aparcar, recomendamos compartir coche ou usar transporte público.

Duración

200 horas da fase teórico-práctica (165 horas presenciais e 35 online) e 150 horas da fase de prácticas. Precísase unha asistencia ao 80% do total das horas teórico-prácticas para superar o curso, así como superar a parte práctica.

Contidos

• Animación: educación a través do xogo, expresión artística, dinamización de veladas, animación deportiva.
• Psicosocioloxía: facilitación de grupos, transformación de conflitos, educación en valores, programación e metodoloxía.
• Educación transformadora: xénero e igualdade, educación emocional e coidados, comunicación non violenta, galego e linguas.
• Educación ambiental e campismo: aprendizaxe-servizo no medio ambiente, interpretación medioambiental, técnicas de campismo, orientación.
• Educación para a saúde: prevención de drogodependencias, primeiros auxilios, certificado de manipulador/a de alimentos, sexualidade, prevención de riscos laborais.
• Organización e recursos: entidades no tempo libre, recursos e axudas, información xuvenil, espazos de participación no tempo libre, orientación laboral.

Requisitos

Estar graduado en Educación Secundaria ou equivalente ou ser técnico auxiliar en formación profesional ou equivalente, así como ter 18 anos cumpridos no momento de inicio da formación.

Prezo e prazos de inscrición

Primeiro prazo: Ata o 5 de setembro, incluído, 275 €.
Segundo prazo: Ata o 25 de setembro, incluído, 295 €.

Sistema de bolsas

Existe a posibilidade de recibir unha bolsa que cubra o custe parcial do curso. A apertura do sistema de bolsas está supeditada ao número de prazas cubertas e o seu número é limitado. Ademais, o seu desfrute está vinculado á realización dun voluntariado nun número de horas equivalente ao subvencionado, nunha entidade da túa elección.

Se tes unha situación económica complicada e tes interese nesta cuestión, coméntao no formulario de inscrición. Se conseguimos un número de participantes suficiente para financiar as bolsas, porémonos en contacto contigo.

Instrucións de matrícula

Actualmente xa completamos as 25 prazas do curso. Porén, se estás interesada podes cubrir o formulario para entrar na lista de agarda. Se hai baixas antes do inicio do curso, poderíamos poñernos en contacto contigo. Tamén avisaremos ás persoas que queden na lista de agarda cando se convoque unha nova edición do curso.

Máis información

Nos teléfonos 722 349 497 e 722 342 658 e no correo electrónico: escola@aventeira.com.

Agardámoste!