2º Edición do curso Educación non formal con lentes violetas

Contidos

I – A igualdade en perspectiva: unha viaxe en busca dos porqués e dos sentidos dos debates

II – Prácticas educativas transformadoras: ferramentas para mudar a realidade

III – Olladas queer ante a educación no tempo libre

IV – A transformación dos modelos afectivos e a educación afectivo-sexual

V – Espazo non mixto: 

  • Autodefensa feminista e espazo de exploración individual e grupal
  • Masculinidades alternativas e espazo de exploración individual e grupal

VI – Construír o cambio dende as experiencias vividas

Formadoras e formadores

Inés Cebreiro – Graduada en Educación Infantil, mestrado en Política Social e Intervención Comunitaria pola rama de especialización en materia de xénero e monitora de actividades de tempo libre. Leva os últimos anos centrando a súa labor académica, educadora e activista na coeducación, a educación para a liberdade afectivo-sexual e a identidade de xénero.

Susana Castro – Facilitadora e terapeuta, estudante de fase 2 de Processwork. Traballou como mediadora comunitaria en diversos proxectos municipais e como dinamizadora xuvenil para o Concello da Coruña. Nos últimos anos vén traballando como educadora en centros de educación secundaria, abordando temas de igualdade, educación sexo-afectiva, estereotipos e prevención da violencia con alumnado adolescente. É activista, pensadora e conferenciante de novos modelos relacionais.

Cristy Shedimar Tojo – Directora do Club Deportivo Avalon Kai, leva 15 anos como docente de karate, 8 anos como facilitadora de autodefensa feminista e 24 anos no mundo das artes marciais. Na actualidade é campioa de Europa de parakarate, 4º dan de karate, 2º dan de defensa persoal policial, 2º dan de defensa persoal feminina e 2º dan de Goshin (autodefensa xenérica). Destaca a súa labor no activismo feminista e LGTBIQ, formando parte de proxectos como Somdolilá, Tamborililás e outros proxectos de empoderamento.

Pol Ovalle – Educador social con formación en mediación, xénero e educación afectivo-sexual. Director de actividades de tempo libre e cursando formación en facilitación (acreditada polo IIFACE). Nos últimos anos vén impartindo obradoiros en sexualidade e xestión emocional para adultas dentro da educación non formal. Home en deconstrución permanente e aprendizaxe continua en masculinidades alternativas.

Datas e horarios

Venres, 20 de novembro de 16:00 a 21:00

Sábado, 21 de novembro de 9:00 a 14:00 e de 16:00 a 21:00

Domingo, 22 de novembro de 9:00 a 14:00 e de 16:00 a 21:00

Duración

30 horas: 25 presenciais e 5 non presenciais

Precísase unha asistencia ao 80% do total das horas presenciais para superar o curso, así como entregar un comentario de texto para superar a parte non presencial

Lugar

Centro Xuvenil Don Bosco. Rúa Belvís 2. 15703, Santiago de Compostela

Prezo

20 euros

Prazo de inscrición

Ata o 16 de novembro

Instrucións de matrícula

  • Cobre o formulario.
  • Ingresa 20 euros en concepto de matrícula no curso na conta de Triodos ES61 1491 0001 2630 0011 1277. Concepto: “lentes violetas + nome e apelidos”. Esta cantidade non é reembolsable no caso de que te deas de baixa durante o proceso (é a cantidade que asegura a viabilidade da celebración do curso!). Reembolsarase na súa totalidade no caso de que non se puidese realizar o curso por non cubrir as prazas mínimas ou por cambios na situación excepcional derivada da COVID-19.
  • Envía o resgardo do ingreso ou da transferencia na conta ao correo [email protected]

Confirmación da praza

Poñerémonos en contacto contigo a través de correo electrónico dúas veces. Unha primeira para confirmar a recepción da inscrición e do pago e confirmarche a praza, e unha segunda para confirmar a celebración do curso e darche algunha información práctica.

Sistema de bolsas

Existe a posibilidade de recibir unha bolsa que cubra o custe total do curso, se ben o seu número é limitado. O seu desfrute está vinculado á realización dun voluntariado nun número de horas equivalente ao subvencionado. Se precisas solicitar unha bolsa, escríbenos para recibir toda a información! 

Adaptación á situación actual

En virtude do artigo 1 do anexo II da Orde do 4 de novembro de 2020, pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia, esta actividade formativa pode realizarse respectando o uso do 50% do aforo da sala

Imos seguir esta e tódalas normas de prevención e seguridade por mor da Covid con moito coidado e estando sempre atentas ás novas normativas que vaian chegando. Enviarémosche unha guía xunto coa información práctica cando confirmemos a realización do curso, pero podemos adiantar que, por suposto, teremos que manter a distancia social, empregar máscaras e ter coidado de non compartir material, entre outras medidas.

Así mesmo, emitiremos un certificado que acredite a asistencia ao curso do alumnado matriculado, para aquel alumnado residente fóra de Santiago de Compostela que precise xustificar a necesidade de mobilidade, en virtude do artigo 3 do Decreto 179/2020, do 4 de novembro, do presidente da Xunta de Galicia, polo que se adoptan medidas no territorio da Comunidade Autónoma de Galicia para facer fronte á crise sanitaria, na condición de autoridade competente delegada no marco do estado de alarma declarado polo Real decreto 926/2020, do 25 de outubro, polo que se declara o estado de alarma para conter a propagación de infeccións causadas polo SARS-CoV-2. Entendendo, non obstante, que existe un compoñente discrecional na interpretación das medidas que compete ás autoridades encargadas da vixilancia, inspección e control do cumprimento das mesmas, do que non nos podemos facer responsables.

Máis información 

Se precisas máis información podes poñerte en contacto con nós nos teléfonos 722 349 483 e 722 349 493 ou no correo electrónico [email protected]

Agardámoste!

image16624_33993

Acción enmarcada dentro do proxecto subvencionado nun 70% e cun importe de 10.378,50 euros pola Deputación da Coruña a través do programa de subvencións a entidades sen fins de lucro para o desenvolvemento de programas de políticas de igualdade de oportunidades entre mulleres e homes e loita contra a violencia de xénero no ano 2020.