A esencia
Aventeira nace procurando, ante todo, un ben social. Como entidade sen ánimo de lucro, o noso fin último é a transformación do mundo nun lugar mellor. Traballamos para as persoas, facendo fincapé nos coidados e na comunicación.
Para acadar este obxectivo, servímonos do modelo cooperativo, que nos permite traballar con outras, dende a horizontalidade e a cooperación, na consecución dos nosos fins.
O trasfondo educativo é parte fundamental de toda a nosa actividade, buscando sempre, de xeito explícito ou implícito, transmitir á sociedade os valores que nos moven.
O equipo
Aventeira ten as súas raíces na vontade de seis coordinadoras de tempo libre que, tras anos de experiencias moi diversas no sector, a finais de 2018 decidimos dar un paso adiante e intentar facer aquelo no que cremos. En 2022 únese á cooperativa Inés, completando o equipo de sete socias que hoxe forman Aventeira.
A nosa experiencia colectiva no sector avala a nosa profesionalidade e capacidade de traballo en actividades moi diversas: asociacionismo, xestión e redacción de proxectos, coordinación de equipos de persoas, dinamización, gamificación, mediación, igualdade de xénero, organización de campamentos, excursións e actividades de todo tipo.
A nosa entidade está recoñecida co certificado de Empresa Familiarmente Responsable por parte da Fundación MásFamilia.
Aventeira S. Coop. Galega e os seus proxectos reciben apoio financeiro dos seguintes programas:
- Programa APROL – Economía Social (Consellería de Promoción do Emprego e Igualdade e Ministerio de Traballo e Economía Social)
- Programa BONO CONSOLIDA – Economía Social (Consellería de Promoción do Emprego e Igualdade e Servizo Público de Emprego Estatal)
- Programa Impacto Autónomo 2023 (Consellería de Promoción do Emprego e Igualdade)
- Subvencións para proxectos de investimento en actvidades non agrícolas, cofinanciadas co Fondo Europeo Agrícola de Desenvolvemento Rural no marco do Programa de desenvolvemento rural de Galicia 2014-2020 (AGADER)
