Campamentos e excursións

Campamentos con ou sen pernocta, en albergues ou en tendas de campaña, dirixidos á infancia ou á xuventude.

Organizamos de xeito integral un campamento poñendo o foco sempre na educación en valores, a convivencia e o contacto coa natureza, preparamos xogos, actividades, deportes e moito máis para crear experiencias únicas e inesquecibles.

Máis información

Saídas de un ou varios días a entornos de interese natural, cultural ou recreativo.

De rutas de sendeirismo a mini-campamentos multiaventura, traballamos conxuntamente coas escolas no deseño e selección de actividades. Tamén xestionamos a loxística e acompañamos aos participantes durante as excursións.

Máis información

Organizamos rutas, visitas e actividades de todo tipo tamén para adultos e maiores, xa que pensamos que o tempo libre se pode disfrutar en calquera momento da vida.

Preparamos actividades en colaboración con distintas entidades, e sempre poñendo por diante o impacto positivo nas persoas destinatarias.

Formación e dinamización

Aventeira Escola busca formar a profesionais do tempo libre para que desenvolvan a súa actividade cunha perspectiva educativa transformadora e con ilusión e paixón polo que fan. 

Nos nosos cursos oficiais de Monitorado de Actividades de Tempo Libre facemos especial fincapé en tratar contidos que supoñen unha pequena revolución no día a día das persoas que participan nas actividades de tempo libre e nos potenciais profesionais que as coordinan e desenvolven, empregando técnicas participativas propias da educación non formal e da facilitación de grupos.

Consulta os nosos próximos cursos aquí.

Participamos de eventos de formación e intercambio de experiencias sobre educación e lecer, onde promocionamos a nosa visión do eido.

Ademáis, organizamos obradoiros e cursos sobre educación en valores, animación, campismo e calquera outro tema de interese relacionado co noso traballo.

 

Xestionamos distintos tipos de eventos, dinamizando actividades e faladoiros, facilitando reunións de xeito activo e lúdico ou dando apoio á conciliación.

Podemos coordinar eventos de interese social que impliquen o trato con persoas de calquera idade. Promovemos tamén a participación cidadá, especialmente da infancia e da mocidade.

Servizos de persoal e proxectos

Ofrecemos ao noso persoal propio para formar equipos que leven a cabo actividades de ocio e tempo libre. 

Poñemos ao servizo doutras entidades a nosa experiencia e a nosa profesionalidade para colaborar no desenvolvemento de actividades e campamentos e asegurar unha organización e execución exitosa.

Deseñamos proxectos de actividades de tempo libre educativo para outras entidades interesadas.

Preparamos actividades, programándoas de xeito íntegro e profesional, preparando dossieres e cronogramas e incluso tramitando, se procede, axudas ou subvencións. Ademais, o noso equipo pode despois levar a cabo a actividade.