Nos últimos anos vimos desenvolvendo proxectos de moi diversa índole, mais todos eles conectados cos nosos obxectivos e as nosas habilidades e competencias profesionais.
Campamentos, Excursións e Campos de Voluntariado
Programa "Outono Xove"
Fins de semana de lecer, descubrimento, deporte e convivencia para rapazada e xente nova, na vila xacobea de Portomarín.
Campamentos Xunta de Galicia
Actividades para a rapazada dende os 8 ata os 17 anos, en diversas instalacións de Galicia. Teatro, natureza, escalada, circo, BTT, etc.
Campo de Voluntariado "Illa de San Simón"
Dinamización do patrimonio cultural e ambiental neste histórico enclave da ría de Vigo.
Campamento "O Gran Feirón"
Promoción do medio de vida rura e lecer de calidade da man das compañeiras e compañeiros da Casa do Queixo de Grixalba.
Excursións de fin de curso
Dinamización de excursións: acompañamento de grupos, coordinación e desenvolvemento de actividades de ocio.
Minicampamentos Coñece Galicia
Levamos tres veráns levando á rapazada a Allariz neste programa da Xunta de Galicia que combina aventura, convivencia e descubrimento da contorna.
Cursos de Tempo Libre e Outras Formacións
Curso oficial: Monitorado de Actividades de Tiempo Libre (A Coruña)
Levamos xa 11 edicións do curso oficial de MTL na área da Coruña, e agardamos poder facer moitos máis.
Curso oficial: Monitorado de Tempo Libre (Concello de Ames)
Desenvolvemos, en Bertamiráns, o curso de MTL promovido polo Concello de Ames.
Curso oficial: Dirección de Actividades de Tiempo Libre (A Coruña)
No 2022 formamos á primeira xeración de coordinadoras e coordinadores de actividades de tempo libre na nosa ETL.
Curso: A educación non formal con Lentes Violetas (Deputación da Coruña)
Enmarcado dentro do programa Lentes Violetas, van xa cinco edicións deste curso de educación para a igualdade con perspectiva crítica e transformadora.
Curso: Educación emocional e coidados (Xunta de Galicia)
En formato intensivo de fin de semana, traballamos a identificación das emocións, a comunicación de sentimentos, os coidados e os afectos.
Curso en liña: Os campamentos como espazos de participación (Xunta de Galicia)
A nosa segunda proposta de formación en liña quixo achegar ferramentas e modelos de participación infantil e xuvenil ao contexto do tempo libre.
Mediación Escolar e Obradoiros Educativos
Mediación Escolar en I.E.S.
Varios centros educativos da Coruña, Betanzos, Cambre e Guitiriz xa puxeron en marcha os seus equipos de mediación co noso apoio.
Mediación Escolar (Concello de Oleiros)
Xestión emocional, dinámicas de grupos e mediación de conflitos. Obradoiros para rapazada de Educación Infantil, Primaria e Secundaria.
Proxecto Semente (Concello da Coruña)
Acompañamos a nenos e nenas de Primaria na creación das súas propias cooperativas. Organización colectiva e emprendemento social.
Dinamización Xuvenil, Cultura, Lingua e Lecer
Ler Conta Moito (Bibliotecas)
Actividades teatralizadas de narración participativa e xogo educativo, con distintas temáticas e dirixidas a distintas idades.
Programa "Quero Cantar"
Acompañamos aos gañadores deste programa cultural da Deputación da Coruña na súa estancia no Pazo de Mariñán para unha gravación musical.
Club de Debate
Colaboramos na dinamización das finais do Club de Debate, un espazo de normalización lingüística e intercambio de ideas para a mocidade galega.
Visitas do Apalpador
No mes de decembro, o Apalpador baixa das montañas para ir ver ás cativas e cativos, darlles unha presa de castañas e contarlles a súa historia.
Xogo de Mesa: Campa
Ideamos, deseñamos e publicamos un xogo de cartas ambientado naquelo que máis nos gusta: os campamentos. E, por suposto, en galego!
Programa "Vive a Lingua"
Grandes xogos ambientados e teatralizados para infancia e mocidade, que fixemos co apoio da SX de Normalización Lingüística por toda Galicia.
Xestión de Proxectos Culturais e Educativos
Os Camiños da Diabetes (ADF)
Organizamos, deseñamos, xestionamos e acompañamos á Asoc. de Diabetes de Ferrolterra nestas andainas de visibilización da enfermidade.
Coordinación Cultural "Illa de San Simón"
Durante 3 anos estivemos ao cargo da xestión cultural deste lugar, coordinando a realización de actividades e o uso de equipamentos públicos.
Camiño de Superación (AECC)
Co gaio do Xacobeo, organizamos coa delegación ourensá da AECC a realización do Camiño de Santiago para persoas da entidade.
Educación para a Igualdade de Xénero
Programa "Lentes Violetas para Educar en Igualdade" (Deputación da Coruña)
Pílulas formativas, mapas de recursos e acompañamento para entidades e traballadoras xuvenís que queren educar en igualdade.
Igualdade de Xénero en I.E.S. (Concello da Coruña)
Facemos obradoiros con perspectiva de xénero nos institutos de educación secundaria da cidade, neste programa organizado polo Concello.
Obradoiros de Igualdade e Diversidade Afectiva e Sexual
Abordamos temáticas como a violencia de xénero, os estereotipos, a pornografía, a identidade de xénero, a masculinidade, etc.
