Quenda 2. Día 5. Ambientazo!

Iso é o que estamos tendo neste campamento. Apenas estamos chegando o ecuador do campamento e xa hai un clima de camaradería e amizade enorme neste campamento. Moitas risas e moito “bo roio” é o que abunda neste lugar tan especial no se está a converter esta instalación.

O menú de actividades foi o usual. Circo, acrobacias e xogos teatrais, en boa combinación coa escalada e os deportes acuáticos na piscina que se levaron a parte con maior exercicio físico. Ah! e por suposto o subidón de adrenalina da tirolesa foi o máis destacado da xornada para moita dos e das pequenas!.

Hoxe a rutina do día rompeuna unha “quiniela tola” onde unha chea de probas disparatadas, propostas por unha presentadora moi simpática, foron outra boa escusa para botar unhas boas risas.

E por suposto, o punto álxido levouno de novo a velada, o xogo nocturno, que nesta ocasión foi un “farfan” e estivo repleto de música e foi do máis animado!

E pola noite, ao saco de durmir, aínda que antes de durmir toca contar alguna anécdota, escoitar un conto, ou atrapar algún bichiño molesto que levar fora da tenda.

2 Comments

  1. Marga

    Da gusto velos tan contentos!
    Grazas polas fotos e videos!!

  2. Paula

    Graciñas por todo!
    Vése que o pasan mal, mal …. 🤣🤣🤣🤣
    Desfrutade moito do que queda!!!!
    Obrigada polas fotos 💜

Comments are closed