Quenda 2. Día 7. Barraña e Coroño

Quenda 2. Día 7. Barraña e Coroño

Hoxe vivimos no campamento un día moi intenso e longo: baixamos de novo á praia de Barraña, onde pasamos o día enteiro.

Pola mañá puidemos realizar unha actividade coa Asociación Amicos, encontro incluído dentro do seu proxecto Re-mar, no que aprendemos da importancia de ter a nosa contorna limpa e en bo estado, centrándonos especialmente no estado das praias.

Logo da actividade, tivemos tempo para nós. Unha xornada na praia dá para moito; xogos, baño, relax, pulseiras, trenzas, pintaunllas, malabares… e incluso para mercar un xeado, que tanto nos gusta.

Para continuar coas nosas actividades cambiamos de beirarrúa e pasamos un ratiño no Parque Aventura Estuario Rio Coroño, provisto de múltiples aparellos de axilidade, coordinación, calistenia, circuitos… Que fixeron as delicias das nosas crianzas.

Xa para pechar o día, logo da velada voltamos ao campamento. Realizamos o traxecto de volta coa caída do sol, tendo que facer uso da lanterna para a última parte do traxecto, o cal nos permitiu apreciar o percorrido dun xeito totalmente diferente.