Quenda 3. Día 1. Iniciamos a aventura

Unha nova quenda comeza no campa de Boiro, desta vez sumerxidas nun Bosque Máxico habitado por trasnos malabaristas, fadas guías, diaños ilusionistas e toda clase de seres fantásticos dispostos a facer estes dez días inesquecibles para as crianzas.

Ao longo do día, a rapazada puido explorar a instalación recuncho a recuncho, comezar a achegarse ás súas compañeiras de aventura a través dun dinámico xogo e coñecer ás monis que as acompañarán ao longo do campamento.

Ao final dunha xornada chea de novidades, tivemos unha cea animada por personaxes moi diferentes, que fixeron que rematásemos esta primeira velada xa con gañas de xogar a seguinte.

Como peche a esta primeira xornada, presentamos o espazo de Escoita Activa, no que numerosas voces se abriron paso para facer deste campamento, no tempo que aquí pasemos, un fogar.

Agora só queda repoñer forzas, pois mañá agárdannos moitas sorpresas no Bosque Máxico de Candilexas.

1 Comment

  1. Roberto

    O primeiro día de campamento, que lembranzas…moitos nervios, ilusións e descubrementos. Van a pasar unha quenda xenial!!! Ánimo!!!

Comments are closed