Quenda 3. Día 2. Comezan as actividades fortes

Se o día primeiro de quenda é unha toma de contacto coa instalación e enfocado en coñecer ás compañeiras e compañeiros o segundo é xa unha aproximación á rutina de actividades que lle dan personalidade a este campamento, tanto a nivel deportivo como artístico.

Por suposto a piscina foi unha das actividades onde máis gozamos porque axuda, e moito! coas altas temperaturas que estamos a experimentar.

Comezamos xa a experimentar co diábolo dentro da disciplina de malabares de circo., no que xa empezan a asomar algúns talentos que seguramente veremos na actuación final e onde precisamos de moita colaboración e comunicación coas compañeiras.

Hoxe a algunhas persoas tocoulles coñecer as paredes do rocódromo e gabear por elas, loitando coa vertixe con algunhas dúbidas iniciais pero con moito éxito.

Na vertente artística das actividades tivemos tamén oportunidade de experimentar con expresión corporal e drama.

A campa, o espazo onde están as tendas de campaña onde estamos aloxadas estes días, e tamén un espazo de socialización onde coñecer as veciñas e veciños de tenda mentres ordenamos e decoramos o noso propio espazo.

E falando de veciños, … aquí temos a Rigoberto, un lagarto arnal (Rimon lepidus) que se nos colou na enfermería e tivemos que sacalo, o que foi tamén unha oportunidade para presentarlles ás crianzas esta pequena xoia da biodiversidade que temos ao noso redor, para liberlalo minutos despois.

1 Comment

  1. Lidia

    Non parades.
    Así da gusto.
    Esa pisci ten unha pintaza!!
    Grazas por ciudar tan ben dos nosos menos e nenas.

Comments are closed