Quenda 3. Día 8. Balneario de augas negras

Quenda 3. Día 8. Balneario de augas negras

Non queda nada para que teñamos que abandonar o noso Bosque Máxico, mais todavía nos queda vivir un dos momentos máis importantes: a actuación final! Hoxe comezamos a preparala coa axuda de dúas guías moi especiais: Sol e Lúa, e mais o resto de criaturas do bosque.

Puidemos escoller a disciplina que máis nos gustase de entre tódalas que probamos nos días pasados: circo, acrosport, teatro, maxia… E xunto ás nosas compañeiras preparar un número que deixase a todas abraiadas.

Despois de tanto ensaiar, pola tarde puidemos relaxarnos no Balneario Augas Negras, un circuito con diferentes “guarritratamentos” no que nos fartamos a rir. Como nos gusta ensuciarnos!!

E como peche deste fantástico spa, unha festa da escuma con polvos de cores e as nosas cancións favoritas a soar.

Danos moita mágoa pensar en marchar, mais memorias como as do día de hoxe hanse ir con nós alá onde vaiamos.

Comments

No comments yet. Why don’t you start the discussion?

Deixa unha resposta

O teu enderezo electrónico non se publicará