Hoxe tivemos un día monotématico capitalizado por unha fantástica excursión ata as pozas do Río Agra, a uns poucos quilómetros da nosa instalación estival. Todo un paraíso natural e porta de entrada á Reserva da Biosfera Internacional Xurés – Gerês onde puidemos descubrir e gozar da súa enorme riqueza de fauna e flora.
Polo camiño tamén puidemos comprobar o impacto dos incendios forestais e comprender mellor o importante que é loitar contra esta lacra ambiental.
Fixemos unha comida campestre e ata parecía que o contacto coa natureza fíxonos que todo nos soubera mellor e nos prestase máis porque as nosas pequenas e pequenos devoraron o xantar de aínda de mellor gaña que cando estamos no comedor
e por suposto tamén houbo tempo para bañarse e activar a circulación nas súas frías pero marabillosas augas. Todo un deleite para os sentidos que converteuse nun refrescante baño de natureza.
Unha das actividades máis fascinantes foi a descubrir a enorme biodiversidade que albergan os ríos. Coñecer seus máis minúsculos, e os que non o son tanto, foi todo o sorprendente descubrimento para a rapazada.
E así, no río e no campamento aprendemos a cultivar o amor pola natureza e ir perdéndolle o medo aos bechiños e animaliños que son os nosos veciños nestes días de marabillosa convivencia. Por suposto, despois de marabillarnos observándoos un ratiño, todos estes pequenos seres foron devoltos ao seu medio.
