Hoxe cóntanos o día Nuno, do grupo Doritos podridos. Vexamos que aventuras viviron as rapazas e rapaces de Forcarei!
Hoxe pola mañá despertamos de moi malas maneiras xa que as e os compis que lles tocaba despertar finxiron que tiñamos un pequeno incendio no campamento.
Na actividade da mañá fixemos predeportivos con outro grupo e o pasei xenial. Como o meu grupo perdeu o tótem tivemos que facer a proba de comer sen mans, tendo que empregar outras partes do noso corpo e foi moi gracioso, a maiores tivemos cancións no comedor e aplaudimos tanto que nos quedamos coas mans vermellas.
Pola tarde tivemos o campeonato Pontemaril, conseguín derrotar ao monitor Rubo nunha batalla de sumo, manchámonos moito nunha proba onde tiñamos que facer unha batalla con mermelada, keptchup, maionesa… A unha compi case lle entran gañas de vomitar!
