Slide
Excursións e
Campamentos

Esta primavera de 2022 Aventeira organiza, en periodo de vacacións escolares, o Campamento de Primavera Aventura na Natureza.

O que?

Trátase dun campamento de primavera no rural, unha convivencia chea de actividades na natureza durante as vacacións escolares de primavera.

Para quen?

Esta campamento está destinado a rapazada de entre 7 e 13 anos. Haberá actividades conxuntas e outras divididas por grupos de idade.

Cando?

Terá lugar nas vacacións de Semana Santa, concretamente do domingo 10 ao xoves 14 de abril do 2022. A entrada será o domingo ás 18:30 e a saída o xoves ás 13:30.

Para que? – Obxectivos do campamento

  1. Gozar duns días de aprendizaxe colectivo ao aire libre e na natureza.
  2. Contar con momentos de lecer activo e de convivencia con outra rapazada.
  3. Coñecer a vida no rural, as súas costumes e vantaxes.
  4. Ter unha primeira aproximación á vida de campamento e ás experiencias fora da casa.

Onde?

No centro de educación medioambiental EQUAL, no Concello de Coles, Ourense. O aloxamento será en albergue.

Que se vai facer?

  • Actividades de educación ambiental.
    • NaturArte
    • Ruta de sendeirismo interpretativa da flora, fauna e rastros animais
    • Recoñecemento de plantas aromáticas
  • Obradoiro de cociña
  • Tiro con arco
  • Malabares e slackline 
  • Obradoiro de orientación
  • Veladas nocturnas
  • Grandes xogos

Canto?

220 € para as inscricións realizadas ata o 25 de marzo, e 245 € ata o 5 de abril.

OLLO! O custe da actividade é susceptíbel de ser financiado a posteriori polo Bono Coidado da Xunta de Galicia unha vez sexa convocada a súa edición 2022. Podes consultarnos sobre este tema.

Que inclúe?

  • Aloxamento
  • Pensión completa dende a cea do domingo ata o almorzo do xoves
  • Material
  • Actividades
  • Monitorado experto na dinamización de actividades de tempo libre infantil e xuvenil
  • Seguros de responsabilidade civil e de accidentes

Outra información

Para que o campamento se poida leva a cabo é necesario cubrir un mínimo de 30 prazas.

O monitorado do campamento conta con formación específica en dinamización de actividades e coidados de persoas con celiaquía e diabetes. Formación impartida e recoñecida pola Federación Galega de Asociacións de Persoas con Diabetes (FEGADI).

Inscricións

  • Ingresa o prezo íntegro (220€ ou 245€ segundo o prazo) na conta de Triodos ES61 1491 0001 2630 0011 1277. Concepto: “Campamento Primavera + Nome e apelidos da persoa participante”. Esta cantidade se reembolsará na súa totalidade no caso de que non se puidese realizar o campamento porque non se cubrisen as prazas mínimas.
  • Cumprimenta este formulario.
  • Recibirás a confirmación de praza no correo-e indicado no formulario de solicitude.
Existe un prazo para cancelacións por causa xustificada: o día 5 de abril. A partir desa data non será reembolsable o pago realizado, xa que estas cuotas son as que aseguran a viabilidade do campamento.

Máis información

No correo electrónico: aventeira@aventeira.com e nos teléfonos 722 349 489 e 722 349 490.

Agardámoste