En Aventeira somos apaixonadas do xogo. Ofrecemos alternativas de ocio de calidade para pequenas e maiores que combinan formas de entretemento únicas e innovadoras con perspectiva educativa, social e cultural.
Estes grandes xogos son especialmente comúns en contextos infantís e xuvenís saudables, pero tamén poden empregarse como parte dunha programación cultural, en actividades de ocio familiar, dinamización turística, etc. Adoitan contar cunha ambientación e posta en escena coidada que inclúe disfraces, atrezzo e decoración, para buscar que a experiencia sexa máis completa e máxica.
Algúns exemplos deste tipo de actividades son:
Xogos de rol en vivo e toma de decisións
Escape room ou Escape games
Rutas ambientadas con personaxes teatralizadas
Xogos de cidade e buscas do tesouro
Ocio alternativo online
A raíz da situación sociosanitaria vivida nos primeiros meses do confinamento do 2020, puxemos os nosos esforzos na creación de actividades de ocio para realizar de maneira telemática, axudando así a que esta situación fose máis levadía para a poboación galega. Para aquela ocasión creamos un xogo de acceso totalmente gratuíto, U-lo Xurxo, que tivo unha gran acollida e repercusión a nivel autonómico.
Actualmente, ofrecemos os nosos servizos de deseño e xestión de grandes xogos para todas aquelas entidades e particulares que decidan apostar por este tipo de actividades.
Podes solicitar máis información acerca da nosa oferta a través das nosas canles de comunicación.
