Proxecto de fortalecemento e consolidación da nosa cooperativa, cofinanciado pola UE a través do Fondo Social Europeo Plus (FSE+) e xestionado por CEPES no marco do Programa EFESO.
Aventeira é unha cooperativa galega sen ánimo de lucro que impulsa procesos educativos, sociais e comunitarios baseados no xogo, a participación e os valores.
Nacemos en 2019 coa vontade de transformar a contorna a través de experiencias que conectan coas persoas; que fan pensar, sentir e actuar.
Promovemos aprendizaxes vivas que conectan emoción, pensamento e acción.
Acompañamos a persoas e entidades para construír espazos máis xustos, igualitarios e inclusivos.
Deseñamos proxectos socioeducativos que xeran cambio, participación e benestar.
Desenvolvemos proxectos no eido da educación, a igualdade, o lecer e a intervención comunitaria, acompañando a centros educativos, institucións e colectivos na creación de espazos xustos, inclusivos e sostibles.
Unimos aprendizaxe, diversión, rigor e creatividade para impulsar un cambio real nas persoas e comunidades.
Organizamos campamentos, excursións e experiencias na natureza que fomentan a convivencia, a autonomía e o respecto polo patrimonio ambiental e cultural.
Impulsamos actividades dirixidas a infancia, mocidade e persoas adultas, combinando educación, lecer e turismo activo para promover o benestar, a vida en comunidade e o coñecemento do territorio.
Desenvolvemos proxectos socioeducativos e campañas de sensibilización para promover a igualdade e a diversidade afectivo-sexual e de xénero.
Así mesmo, creamos recursos e materiais pedagóxicos para previr e actuar fronte ás violencias machistas.
Acompañamos a centros educativos e entidades na creación de espazos de diálogo, participación e resolución pacífica de conflitos.
Á súa vez, formamos equipos de Mediación Escolar e facilitamos procesos grupais desde a Comunicación Non Violenta e o bo trato.
Impulsamos procesos participativos que fortalecen a voz da infancia e da mocidade na vida comunitaria.
Tamén impulsamos iniciativas que poñen en valor a cultura e a lingua galega, fortalecen a identidade colectiva e contribúen á cohesión social.
Deseñamos accións formativas e recursos pedagóxicos para profesionais, entidades e centros educativos.
Desde a Escola de Tempo Libre Aventeira impulsamos a formación e o crecemento profesional, a través de metodoloxías participativas, innovadoras e centradas na práctica educativa no eido do lecer.
Xestionamos un espazo de aloxamento sostible no corazón do Xeoparque Mundial UNESCO Montañas do Courel.
Aquí, promovemos experiencias que conectan co patrimonio natural e cultural do territorio, favorecendo un turismo responsable, educativo e respectuoso coa contorna.
